राम राम शेतकरी बांधवांनो! आज आपण पाहणार आहोत की कापसावर पहिली फवारणी कधी, कशी, आणि कोणती करावी.
कापूस लागवडीनंतरचा पहिला टप्पा
जर आपल्या कापसाची लागवड 20-25 मे च्या दरम्यान झाली असेल, तर आज कापूस पीक 25 ते 30 दिवसांचं झालेलं असेल. पहिली फवारणी साधारणतः 30-35 दिवसांदरम्यान घ्यावी.
माव्याचा प्रादुर्भाव – नियंत्रणाचे उपाय
सुरुवातीच्या काळात हिरव्या व काळ्या माव्याचा प्रादुर्भाव दिसतो. पानं चीकट व तेलकट होतात.
हे पण वाचा:
पोळा अमावस्या कापूस फवारणी कोणती करावी ?
👉 उपाय:
- जास्त मावा असेल:
फ्लोनिकॅमिड 50%घटक असलेलं उलाला (Ulala) –
8 ग्रॅम प्रति 15 लिटर पंप - नॉर्मल मावा असेल:
थायमथॉक्सम 25%असलेलं एक्ट्रा (Actara) –
10-12 ग्रॅम प्रति 15 लिटर पंप
🍁 पाने लालसर, पिवळसर झाल्यास काय कराल?
कापसाचे खोड व पाने लालसर/पिवळसर दिसत असल्यास ती नायट्रोजन, फॉस्फरस, पोटॅशियम अन्नद्रव्यांची कमतरता असते.
👉 उपाय:
- 19:19:19 विद्राव्य खत
100 ग्रॅम प्रति 15 लिटर पंप
(कीटकनाशकाबरोबर वापरू शकता)
💪 पीक वाढीसाठी पोषक टॉनिक
फवारणीचा खर्च कमी ठेवणे आवश्यक आहे. पण चांगल्या उत्पादनासाठी पोषक टॉनिकसुद्धा महत्त्वाचे आहेत.
टॉप टॉनिक पर्याय:
- बायोविटा एक्स (Biovita x) – 40 ml प्रति 15 लिटर
- ऑक्सिजन (Oxygen) – 50 ml प्रति 15 लिटर
- अम्बिशन (Ambition) – 40 ml प्रति 15 लिटर
आपल्याकडे चांगल्या अनुभवाचं टॉनिक असेल, तर ते वापरण्यातही काही हरकत नाही.
निष्कर्ष: फवारणी योग्य वेळेस आणि योग्य प्रमाणात करा
- माव्याचे नियंत्रण
- अन्नद्रव्य कमतरतेचा उपचार
- पोषणासाठी टॉनिकचा समावेश
ही सर्व फवारणी एकाच वेळी 15 लिटरच्या फवारणी पंपात करता येईल, धन्यवाद.